كيف بنكتب أدلتنا
آخر تحديث:
قرار السفر أو الهجرة قرار كبير، وما بدي معلومة غلط تكلّفك فلوس أو وقت أو أمانك. هيك بنشتغل:
١. المصدر الرسمي أولاً
كل قانون أو شرط أو رسوم بنكتبها بنرجع فيها للمصدر الرسمي: موقع الحكومة، أو وزارة الخارجية، أو دائرة الهجرة، أو الجريدة الرسمية. وبآخر كل دليل في قائمة «المصادر الرسمية» فيها روابط هالصفحات، عشان تتأكد بنفسك.
٢. بكلامنا نحنا
ما بننسخ مقالات ولا صفحات من مواقع تانية. بنقرأ المصدر الرسمي، وبنشرحه بكلام بسيط، وبنرتّبه خطوة بخطوة.
٣. التجربة الشخصية منفصلة عن القانون
لما أحكي عن شي صار معي (بالمطار، بالقنصلية، بالمصاريف)، بتلاقيه تحت عنوان «من تجربتي». التجربة بتساعدك تتحضّر، بس القانون الرسمي هو اللي بيقرر.
٤. تاريخ التحديث على كل دليل
على كل دليل في تاريخ «آخر تحديث». لما يطلع خبر رسمي جديد (قرار محكمة، قانون جديد، تغيير رسوم)، بنحدّث الدليل وبنغيّر التاريخ، وبننزل الخبر بقسم الأخبار.
٥. شو دور الذكاء الاصطناعي؟
بنستخدم أدوات ذكاء اصطناعي تساعدنا بالبحث والترتيب والترجمة للإنجليزي والإسباني. بس ولا دليل بينزل قبل ما يتراجع ويتأكد من المصادر الرسمية. والمساعد الآلي على الموقع بيجاوب من أدلتنا، وممكن يغلط، فارجع دايماً للدليل وللمصدر الرسمي.
٦. قانوني وآمن فقط
بنشرح الطرق القانونية بس. ولما نحكي عن طريق خطير أو غير قانوني (متل غابة دارين)، بيكون الهدف التحذير من المخاطر، مش الشرح كيف تعمله.
٧. مش استشارة قانونية
الأدلة معلومات عامة، مش استشارة قانونية. كل حالة إلها تفاصيلها، فلقرار مهم ارجع للسفارة أو القنصلية أو لمحامي هجرة مرخّص. شوف كمان إخلاء المسؤولية.
٨. كيف بيعيش الموقع؟
الموقع مجاني. ممكن يعرض إعلانات، وفي صفحات قليلة فيها روابط شراكة (affiliate) مكتوب عليها بوضوح، يعني إذا اشتريت من خلالها باخد عمولة بدون ما تدفع إنت ولا قرش زيادة. ما في شريك ولا معلن بيقرر شو منكتب، وما بنصح بأي خدمة إلا بعد ما أتأكد إنها آمنة.
٩. لقيت غلط؟
بآخر كل دليل في مربع «لقيت غلط أو معلومة قديمة؟ بلّغنا». بنراجع كل بلاغ، وإذا الغلط صحيح بنصلّحه وبنحدّث تاريخ الدليل.
محمد العايدة · عن محمد