اللغة:
عاجل

آخر أخبار القرعة الأمريكية DV-2027: المواعيد والقواعد الجديدة

لا، تسجيل القرعة الامريكية DV-2027 غير مفتوح ولا يوجد موعد رسمي، بعد أن أوقفت محكمة الاستئناف في 29 أكتوبر 2026 أمر فتحه. وعند فتحه سيكون فقط على dvprogram.state.gov برسم إلكتروني دولار واحد مع بيانات جواز ساري وصورة صفحته، ومن يطلب أكثر أو يعدك بالفوز نصّاب.

قرعة الهجرة DV-2027: اختار اللي بدك تعرفه

اضغط على أي مربع ليفتح الشرح.

  • بتاريخ 29 أكتوبر 2026 محكمة الاستئناف وقّفت مؤقتاً أمر فتح التسجيل.
  • التسجيل مش مفتوح، وما في تاريخ رسمي.
  • لما يفتح، بيكون بس على dvprogram.state.gov.
  • رسم تسجيل إلكتروني دولار واحد، وبيندفع على الموقع الرسمي بس.
  • النموذج بيطلب بيانات جواز ساري وصورة لصفحة البيانات والتوقيع.
  • إذا جوازك منتهي أو قرّب ينتهي، جدده الآن.
  • جواز ساري وصورة واضحة لصفحة البيانات.
  • صورة شخصية حسب المواصفات الرسمية: خلفية بيضا وبدون نظارات.
  • بيانات وصور الزوج أو الزوجة والأولاد تحت 21 سنة.
  • بعد التسجيل، احفظ رقم التأكيد. بدونه ما بتقدر تشوف النتيجة.

افحص صورتك

  • الأهلية بتعتمد على بلد الولادة وعلى الدراسة أو الخبرة.
  • استخدم أداة الفحص على الموقع لتعرف وضعك.

أداة فحص الأهلية

  • إذا جنسيتك عليها تعليق كامل (منها سوريا، ليبيا، السودان، اليمن، الصومال، ووثائق السلطة الفلسطينية)، فيز الهجرة موقوفة إلا بحالات نادرة.

دليل حظر السفر

  • ما حدا بيقدر يضمنلك الفوز أو «يزيد فرصتك».
  • الحكومة الأمريكية ما بتبلّغ الفايزين بإيميل ولا واتساب.
  • النتيجة بتنشاف بس على الموقع الرسمي برقم التأكيد.

آخر فحص · المصادر: US State Department: Diversity Visa program (official entry site)

تنبيه القرعة DV-2027

ببعتلك إيميل أول ما يفتح تسجيل القرعة DV-2027.

محتويات الدليل
  1. تحديث 31 أكتوبر 2026: التسجيل اتوقف من جديد
  2. ليش القرعة تأخرت هالسنة؟
  3. شو قالت المحكمة؟
  4. القواعد الجديدة
  5. شو تجهّز من الآن؟
  6. انتبه: حظر السفر
  7. انتبه من النصب

تحديث 31 أكتوبر 2026: التسجيل اتوقف من جديد

يوم 29 أكتوبر، محكمة الاستئناف الفيدرالية (الدائرة التاسعة) وقّفت أمر المحكمة اللي كان بيجبر الخارجية تفتح التسجيل يوم 1 نوفمبر، لحد ما تحكم بالاستئناف. يعني التسجيل مش مفتوح حالياً، وما في موعد رسمي. المواعيد اللي تحت كانت حسب أمر المحكمة قبل ما يتوقف. أول ما يصير أي جديد رسمي، بحدّث هالصفحة.

ليش القرعة تأخرت هالسنة؟

كل سنة كان التسجيل بالقرعة الأمريكية بيفتح بأكتوبر. هالسنة تأخر، والناس كلها صارت تسأل: «في قرعة ولا لأ؟». القضية وصلت للمحكمة، والمحكمة حكمت.

شو قالت المحكمة؟

محكمة فيدرالية بكاليفورنيا (قضية Red Eagle Law ضد Rubio) أمرت وزارة الخارجية تشغّل القرعة، وعدّلت المواعيد يوم 14 أكتوبر 2026:

الخطوةآخر موعد حسب أمر المحكمة
إعلان مواعيد التسجيل29 أكتوبر 2026
فتح التسجيل1 نوفمبر 2026
مدة التسجيل30 يوم
إبلاغ الفائزين3 ديسمبر 2026
آخر يوم لإصدار فيزا DV-202730 سبتمبر 2027 (ثابت بالقانون)

مهم: هاي المواعيد كانت حسب أمر المحكمة، ومحكمة الاستئناف أوقفت هالأمر مؤقتاً يوم 29 أكتوبر 2026. يعني التسجيل لسا موقف وما في موعد رسمي. تابع dvprogram.state.gov بس، ورح أحدّث هالصفحة أول ما يتغير شي.

القواعد الجديدة

1. رسم دولار واحد

من 16 سبتمبر 2025 صار في رسم تسجيل إلكتروني دولار واحد (1$) على المتقدم الرئيسي. يعني القرعة ما عادت «مجانية 100%»، بس الرسم رمزي، وبيندفع على الموقع الرسمي بس.

2. جواز السفر صار شرط

من 10 أبريل 2026، لازم تحط بالنموذج بيانات جواز سفر ساري، وترفع صورة صفحة البيانات والتوقيع. فإذا جوازك منتهي أو قرب ينتهي، جدّده من الآن.

شو تجهّز من الآن؟

  1. جواز ساري وصورة واضحة لصفحة البيانات.
  2. صورة شخصية حسب المواصفات الرسمية (خلفية بيضاء، بدون نظارات).
  3. بيانات زوجك أو زوجتك وأولادك تحت 21 سنة مع صورهم، لأنه لازم تضيفهم.
  4. احفظ رقم التأكيد (Confirmation Number) بعد التسجيل. بدونه ما بتقدر تعرف النتيجة.

انتبه: حظر السفر

إذا جنسيتك تحت حظر كامل (منها سوريا، ليبيا، السودان، اليمن، الصومال، ووثائق السلطة الفلسطينية)، فيز الهجرة موقوفة إلا باستثناءات نادرة. اقرأ دليل حظر السفر 2026 قبل ما تقرر.

انتبه من النصب

  • ما في أي جهة بتقدر تضمنلك الفوز.
  • الحكومة الأمريكية ما بتبلّغ الفائزين بإيميل أو واتساب. النتيجة بتشوفها بس على الموقع الرسمي برقم التأكيد.
  • إذا حدا طلب منك مصاري ليسجّلك أو «يزيد فرصك»، ابعد عنه. شوف دليل كشف النصب بالهجرة.

كل التفاصيل العامة عن القرعة بصفحة القرعة الأمريكية.

هالصفحة للتوعية فقط، ومش استشارة قانونية. القرار والمواعيد الرسمية بتطلع من وزارة الخارجية الأمريكية بس.

نشرة الفيزا الأمريكية (Visa Bulletin) ←

أسئلة شائعة

إمتى بيفتح تسجيل DV-2027؟

ما في موعد رسمي لحد اللحظة. القاضي كان أمر الحكومة تفتح التسجيل لـDV-2027 لحد 1 نوفمبر 2026، بس محكمة الاستئناف (الدائرة التاسعة) أوقفت هالأمر مؤقتاً يوم 29 أكتوبر 2026. ويوم 1 نوفمبر 2026 انرفعت قضية جديدة بمحكمة فدرالية بكاليفورنيا بتطالب بفتح التسجيل لـDV-2027 وDV-2028. يعني التسجيل لسا موقف لحد ما تقرّر المحاكم. تابع dvprogram.state.gov بس، ونحنا رح نحدّث هالصفحة أول ما يتغير شي.

هل التسجيل لسا مجاني؟

لا. من سبتمبر 2025 في قاعدة جديدة بتفرض رسم تسجيل إلكتروني دولار واحد على المتقدم الرئيسي، بيندفع على الموقع الرسمي بس.

هل بحتاج جواز سفر؟

نعم. من 10 أبريل 2026 لازم تحط بيانات جواز سفر ساري وصورة صفحة البيانات والتوقيع، إلا إذا كنت من الحالات المعفاة اللي بيحددها النموذج.

إذا جنسيتي تحت حظر السفر، بفيدني التسجيل؟

إذا جنسيتك تحت حظر كامل، فيز الهجرة موقوفة إلا باستثناءات نادرة جداً. اقرأ دليل حظر السفر 2026 قبل ما تقرر.

وين بسجّل وبدفع الدولار؟

على الموقع الرسمي dvprogram.state.gov بس. أي موقع ثاني بيطلب مصاري أو بيوعدك بالفوز هو نصب.

المصادر الرسمية

رجعت لهالمصادر وقت الكتابة. الشروط بتتغير، فراجعها قبل أي قرار.

أدلة قريبة من هالموضوع

لقيت غلط أو معلومة قديمة؟ بلّغنا

لا تكتب اسمك ولا رقم جوازك ولا أي معلومة شخصية. ما منحفظ هالرسالة، بتوصل لمحمد بس. سياسة الخصوصية

المعلومات للتوعية فقط وليست استشارة قانونية. تحقق دائماً من الشروط الرسمية قبل أي قرار. إخلاء المسؤولية

اشترك بالقناة

خلّيك أول واحد بيعرف

أخبار القرعة، الفيزا، وفرص الهجرة… توصلك على الإيميل أول بأول.